استفتاء شاركينا برأيك ما هى افضل واسوأ منتجات اوريفليم

هااااااااااى يا سمينا كنت عايزة اسالك عن جل الصدر فى عدد يونية هل هو بيكبر الصدر ولا مجرد شدة من الترهلات ولو كان مجرد شدة بس فية منتج من اورفلام بيكبر الصدر

انا كنت عايزة اسال على كريم ايفن اوت الجديد الموجود فى كتالوج شهر يونيه وسعره 79 وهو مكتوب عليه يقلل البقع الغامقة
هل هو يقلل البقع الغامقة الناتجة عن اشعة الشمس وهو حلو ولا لاء

ال بتسئل عن كريم ايفن اوت الكريم ده ممتاز فعلا وبيقلل البقع الغامقه وبيفتح الوش ويرطبه
وده عن تجربتى الشخصيه بجد تحفه يلى جربيه وابقى ادعيلى

ميرسى ليكى ياقمر وان شاء الله هدعيلك

فى رايى اوريفليم شركة تحفة كل ما اجرب منتج يطلع تحفة زى كريم الوجة بالصبار وكريم الايدى بالوز وكريم الرجل بالافوكادو وجل العين بالكوميل كلهم تحفة بجد

السلام عليكم
فعلا زي ما كلكم قولتم منتجات اوريفليم اكتر من روعه
اول حاجه جربتها كانت مجموعه البيور سكين لان بشرتى كانت حب شباب وفعلا بعد ما اللوشن والكريم المنقي خلص كانت خلصت معاه الحبوب
وجربت كمان كريم البقع من اوبتمال رااائع ولسه بستخدمه
وكمان الرول اون الي جربتهم حلوين الي هي بتقلل نمو الشعر
والسن بلوك
وصابونه السافانا ريحتها خطيييييرة وبتنضف وتنعم جدا
ومجموعه التفتيح من الايسنشيال الصابونه بتجيب نتايج حلوة اوى خلال اسبوعين حت اصحابي خدوا بالهم
ومجموعه الفواكه الاستوائيه من الاسينشيال نازل الشهر دا والشهر الي فات خطيييرة خصوصا السكرب
ولا السكرب بتاع الطحالب مجموعه سويداش سبا اكتر من رائع
وماسك الطين من بيور ناتشورال وماسك الطماطم والطحالب بقاله كتير ما نزلش بس الطماطم بالذات بيسحب الدهون من البشره تحفه فعلا وماسك العنب المقشر مش قادره اقولكم عليه اد ايه جميل
ولسه مجموعه الشهر دا اول لما اجربها هديكم خبر ايه حلو وايه لا ولو انى مش لاقيه لحد دلوقتى حاجه وحشه
اه وكمان الجيل من البيور سكين بينضف حلو اوى
بس لحد دلوقتى مش جربت حاجه للشعر ياريت الي جربت حاجه للتقصف تقولي عليها
وكمان صابونه المساج بتاعت الطحالب حلوة جدا جدا جدا جدا اول ما تنزل ما تسبوهاش كل واحده تشتريلها عشره وتشيلهم رووووعه للجسم
اسفه طولت عليكم اول رد ليا في المنتدي وبصراحه مبهورة بمنتجات الاوريفليم جدا

اناعايزة اعرف ايه احسن ماسكرا ان انا استعملها وتكون حلوة وعايزة اعرف استعمل كريم اساس جيوردانى حلو ولا فى حاجة تانية احسن سواء كانت كريم اساس او بودرة ياريت المساعدة والرد على اسالتى

شكرا اووووووووووووووووووى بس معلش انا عايزة اعرف ايه نوع بودرة جوردانى اللى بتتحط بعد كريم الاساس سائلة او سائبة و ايه اكودها والوانها وانا بشرتى دهنية جدااااااااا وكان فى عضوة فى المنتدى قالت عليها بس لم تذكر هى سائلة او سائبة ولم تذكر الوانها ولا الكود بتاعها وهى برضو بشرتها دهنية وده اسمها يريت هىrasharosha ياريت اى حد يرد عليا

هاى ياسمين
انا كنت عايزة اسال عن ماركة المكياج الجديدةفيريمى هى فعلا دى هى ماركة فيجن ودة اسمها الجديد ولا دى حاجة تانية
وميرسى ليكى

بصراحه كل المنتجات الي استخدمتها اكثر من رااااااااااااااااائعه
برفان جوردانى وايت وجولد
كريم الاساس جوردانى
برفان ميت سمر وسول الرجالي وكتيييير غيرهم

بس كان ليا استفسار صغنون
هو ليه كتالوج شهر واحد مش نزل لغايه دلوقتى
وكنت حابه اعرف العروض الداخليه من اول الشهر علشان الحق اشوف هشتري ايه ؟؟؟
[b]

اه ياريت كتالوج شهر 1 بسرعه لأنى عروسه وعايزه الحق اشترى المكياج والبرفانات والكريمات بسرعه الله يكرمك وشكرا على مجهودك

السلام عليكم ياجماعه لوسمحتم حد جرب كريم شدالصدر ونتيجته ايه انا واحده طلبته منى وجربته يومين ورجعته بوظ جسمها جدا وطلع حبوب كتييييييييير انا مش عرفه هى بشرتها حساسه ولا ايه انا قلت ابلغ علشان محدش يضر واللى جربته وجاب نتيجه ياريت الرد وكريم الخطوط البيضاء اللى جربه ياريت يرد ضرورى مش عرفه بقى العيب فى البشره ولا المنتج
:19: وشكرا

السلام عليكم يا جماعة بالنسبة لمنتجات أوريفليم أغلبها رائعة لكن لى أعتراض على البرفانات أسعارها غالية جدا ومش ثابتة ما عدا الجوردانى وايت و جولدوكل كريمات الأساس غامقة جداولسؤال moro عن كريم الأساس الأستيك فاتح وجميل بس لو بشرتك فيها مسامات واسعة هيبينها ويدى نتيجة مش حلوة وشكرا

السلام عليكم
انا لسه عضوه جديده وعايزه اسأل كام سؤال عن منتجات اوريفليم في كتالوج شهر 6 وياريت اللي يعرف يفيدني
ياتري ايه الاحسن شاور جيل ديسكفر ولا الصابون السائل اللي بخلاصة القمح وجوز الهند
وكمان ايه الاحسن منظف
pure skin ولا pure nature
وايه رأيكم في منتجات veryme