كاروهات المكرونة بالتونا بالصور

كاروهات المكرونة بالتونا

اولا المقادير:

مكرونة اي شكل
بصل مكعبات
ثوم
فلفل رومي مكعبات
جزر مبشور
طماطم
معجون طمام
وبهارات
وفلفل حار
علبة تونا
مكعب ماجي
4 ملاعق جبنة كاسات
4 ملاعق مايونيز
جبنة شرائح


ثانيا: الطريقة
نسلق المكرونة مع الملح وشوية زيت

واثناء السلق
نحمي شوية زيت في طاوة ونحط البصل والثوم
لين مايذبل البصل نحط عليه الفلفل الرومي والجزر والفلفل الحار
بعد كذا نحط الطماطم ومعجون الطماطم البهارات
لين مايتجانسو
نضيف التونا وشوي موية والماجي

ونخليها لين ماتتسبك
تطفي النار عليها وتخليها تبرد شوي








بعد كذا
نخلط الجبنة الكاسات مع المايونز
ونضف فوقهم المكرونة نخطها تمام لين ماتحسيها متجانسة
واذا حبيتي تزيدي
تكون الزيادة متعادلة
ملعقة جبنة وملعقة مايونيز





بعد كذا تحطي المكرونة في صينية بايروكس
وتحطي فوقها الخلطة







بعد كذا جيبي الجبنة الشرائح
وقطعيها مربعات



ورصيها فوق الخلطة زي الكاروهات




ووقت التقديم دخليها الفرن عشان تحمر من وفوق وتسيح الجبنة
(نسيت اصورها)
قطعيها
وقدميها

انا زاد معي شوية مكرونة
خلت معاها كاتشب وخردل وحطيت ذرة وجزر
عملتها سلطة




وبالعافية على قلوبكم